Hot Below Trending

Lukaku akana mashtaka ya majirani zake ya kuwapigia fujo

Lukaku akana mashtaka ya majirani zake ya kuwapigia fujo
Profile photo of sadock

Mshambuliaji wa Manchester United Romelu Lukaku amekana makosa ya kupiga kelele katika nyumba aliyokuwa akiishi baada ya kukamatwa nchini Marekani mapema mwaka huu.

Mchezaji huyo mwenye umri wa miaka 24 alishtakiwa kwa makosa hayo mnamo mwezi Julai baada ya maafisa wa polisi kupata malalamishi mengine matano ya kelele katika nyumba moja ya Beverly Hills.

Raia huyo wa Ubelgiji hakuwasili mahakamani mjini Los Angeles siku ya Jumatatu.

Wakili wake Robert Humphreys aliwasilisha ombi la kutokuwa na makosa hayo.

Kamishna Jane Godfrey aliahirisha kesi hiyo.

Baada ya kusikilizwa, wakili James Eckart alisema kuwa iwapo atapatikana na hatia, mshambuliaji huyo atakabiliwa na faini na kulipa fedha za gharama za simu zilizopigwa kwa siku tano.

Lukaku anaweza kutowasili mahakamani yeye binafsi na badala yake anaweza kutumia wakili wake kumwakilisha.

Maafisa wa polisi wanasema walitoa tamko la onyo baada ya kupata wito kutoka kwa nyumba moja.

Kisa hicho kilitokea wiki moja kabla ya Lukaku kujiunga na Manchester United kutoka Everton kwa kitita cha £75m.

Taarifa ya Beverly Hills wakati huohuo inasema kuwa Lukaku, ambaye alikuwa katika likizo Marekani ,aliwachiliwa katika eneo hilo kufuatia kisa hicho mnamo tarehe 2 mwezi Julai.

Amefunga mabao 11 katika mechi 10 za United.

Comments

comments

Hot Below Trending

More in Hot Below Trending

facup-the-cup-3323603b-1

Ratiba ya raundi ya nne ya FA, Timu ya Nottingham Forest iliyoitoa Arsenal kupambana na Hully City

sadockJanuary 9, 2018
chiiiii

Chid Benz akamatwa tena na dawa za kulevya, Jeshi la Polisi Dodoma wathibitisha

sadockJanuary 9, 2018
tottenham_kane_mobile_top

Orodha ya wacheza wenye thamani ya juu zaidi duniani

sadockJanuary 9, 2018
25008524_375147772949765_5376644961137590272_n

Vanessa Mdee aachia cover ya album yake mpya ‘Money Mondays’

sadockDecember 20, 2017