TEAM TZ

MATOKEO YA KIDATO CHA NNE 2012 YAFUTWA, MITIHANI KUSAHIHISHWA UPYA

 

Waziri wa Nchi, Ofisi ya Waziri Mkuu (Sera, Uratibu na Bunge), William Lukuvi (kushoto), akiwa bungeni mjini Dodoma. Kulia ni Mbunge wa Sengerema,William Ngeleja.
HABARI zilizotoka bungeni mjini Dodoma muda huu ni kwamba matokeo yote ya kidato cha nne 2012 yamefutwa na mitihani itasahihishwa upya haraka iwezekanavyo.
Taarifa ya tume iliyoundwa na Waziri Mkuu, Mizengo Pinda kuchunguza sababu za kufeli vibaya kwa watahiniwa wa kidato cha nne kwa mwaka jana imesomwa leo bungeni na Waziri wa Nchi, Ofisi ya Waziri Mkuu (Sera, Uratibu na Bunge), William Lukuvi.
Waziri Lukuvi amesema sababu zilizosababisha wanafunzi hao kufeli ni pamoja na upungufu wa waalimu, mazingira magumu ya kufundishia, idadi kubwa ya shule za sekondari iliyopelekea idadi kubwa ya watahiniwa na utaratibu mbovu wa Baraza la Mitihani Tanzania (NECTA) uliotumika bila kuwashirikisha wadau mbalimbali wa elimu.
Kutokana na sababu hizo, matokeo yote ya kidato cha nne 2012 yamefutwa na mitihani itasahihishwa upya.

Views: 457

Tags: 2012, CHA, KIDATO, KUSAHIHISHWA, MATOKEO, MITIHANI, NNE, UPYA, YA, YAFUTWA

Comment

You need to be a member of TEAM TZ to add comments!

Join TEAM TZ

© 2014   Designed & Developed by G5 CLICK COMPANY.

Badges  |  Report an Issue  |  Terms of Service