Pick of the day

Wanamgambo wa kundi la Al Shabab wamevamia kambi ya jeshi la Kenya, Somalia

Wanamgambo wa kundi la Al Shabab wamevamia kambi ya jeshi la Kenya, Somalia
Profile photo of sadock

Kundi la al-Shabab nchini Somalia limesema wapiganaji wake wameshambulia kambi ya wanajeshi wa Kenya wanaohudumu chini ya kikosi cha Umoja wa Afrika (Amisom)nchini Somalia.

Wapiganaji hao wanadai kuwaua wanajeshi wengi kwenye shambulio hilo katika kambi ya Kulbiyow kusini mwa Somalia karibu na mpaka wa nchi hiyo na Kenya.

“Mujahideen (wapiganaji) wawili walivurumisha magari yaliyokuwa na mabomu na kuyalipua kwenye lango la kambi hiyo ya mji wa Kulbiyow kabla ya wapiganaji wengine kuingia. Baada ya makabiliano makali, tumefanikiwa kuiteka kambi,” mmoja wa wasemaji wa al-Shabab Sheikh Abdiasis Abu Musab ameambia shirika la habari la Reuters.

pg-34-al-shabaab-reuters

Msemaji huyo amedai kundi hilo limewaua wanajeshi zaidi ya 50 na kutwaa magari na silaha za wanajeshi hao, taarifa ambazo msemaji wa majeshi ya Kenya amekanusha.

Kanali Paul Njuguna ameambia Reuters: “Ni uongo. Operesheni ya kijeshi inaendelea. Tunaendelea kupokea taarifa.”

Al-Shabab wamekuwa wakipigana dhidi ya serikali ya inayoungwa mkono na mataifa ya magharibi na jamii ya kimataifa.

Wanajeshi wa Kenya pamoja na wanajeshi kutoka Djibouti, Uganda na Ethiopia, chini ya Amisom, wamekuwa wakisaidia serikali hiyo yenye makao yake Mogadishu.

 

 

Januari mwaka uliopita, wapiganaji wa al-Shabab walishambulia kambi ya majeshi ya Kenya el-Adde na kuua wanajeshi wengi.

Al-Shabab walisema waliua zaidi ya wanajeshi 100. Jeshi la Kenya halijatangaza idadi kamili ya wanajeshi waliouawa hadi wa leo.

BBC Swahili

Comments

comments

Pick of the day

More in Pick of the day

Robert-Mugabe

Rais Robert Mugabe atangaza amejiuzulu

sadockNovember 22, 2017
beyonce-smile-brit-awards-billboard-1548

Beyonce aongoza orodha ya Forbes ya Mastaa wa kike kwenye muziki waliongiza mkwanja mrefu zaidi 2017

sadockNovember 21, 2017
robert_mugabe_0

Bunge la zimbabwe kuamua hatma ya Mugabe leo

sadockNovember 21, 2017
american-music-awards-logo-620x360

American Music Awards 2017: Orodha kamili ya washindi

sadockNovember 20, 2017